السلام عليكم ورحمة الله وبركاته
اليوم جبت لكم موضوع خطير لازم نتناقش فيه ونحط حل له وهو
( الإعلام )
الإعلام سلاح خطير ذو حدين و للأسف هالايام يستعمل الحد الضار السلبي
وخاصة عندنا بالدول العربية
للأسف صرنا ما نعرف نختار برامجنا ولا مسلسلاتنا
و صار غايب الابداع الفكري والتأليف المفيد
صرنا ناخذ افكار الغرب ونطبقها عندنا على برامجنا حتى ولو كانت معارضة لأسلامنا وعاداتنا وتقاليدنا
والناس اللي تجيب هالبرامج والمسلسلات ناس ما عندهم لا دين ولا اخلاق كل اللي يفكرون فيه الفلوس
اذا كنا نبي نقلد الغرب ببرامجهم خلونا نختار برامج مفيدة لنا
مثل
dr.phil
من أروع البرامج الحوارية اللي شفتها ويعالج كثير من المشاكل الإجتماعية
----------------------------------------
oprah
غنية عن التعريف برنامجها ولا أروع وساعدت الكثير الكثير من الناس المحتاجة وخاصة بحلقات ( dreams )
------------------------------------------
Extreme Makeover: Home Edition
طبعاً كلكم تعرفونه من اروع البرامج واللي والله اثرت فيني حيييل وياما نزلت دمعتي وانا اشوفه برنامج يختار عائلة فقيرة تكون محتاجة و يهدمون بيتهم ويبنون لهم بيت جديد و سيارات و يأمنون لهم مصاريف دراسية وعلاجية والكثير
وبرعاية شركات كبيرة مثل سيرز وغيره
---------------------------------------------------
doctors
برنامج حواري عن الطب و العلاج والخاصة بالأمور الصحية
----------------------------------
هذي البرامج اللي المفروض اذا كنا نبي نقلدها
لكن ليش برايكم ما في احد من العرب قلدها ؟؟؟؟
انا اقولكم ليش
لان مافيها مسجات ولا فيها مكاسب شخصية على عكس البرامج الثانية
مثل ستار اكدمي و غيره يقصون علينا بكلام بايخ ويلعبون على عقول الصغار
( انقذ ولد بلدك وصوتله )
( صوت ليفوز فلان من دولتك )
وللأسف للأسف
لما نقرا بالجرايد
والد فلان الفلان يناشد اهل الكويت للتصويت لان ولده صار نومينيه
بدال لا نطلع فلوس للفقراء للمساكين للمحتاجين
نروح نرسل مسجات بالالاف لبرامج فاشله وبايخه وبدون هدف
-----------------
المصيبة الأكبر مسلسلات الاطفال الكرتونية
وربي انصدم لما اشوفهم واسمع الكلام اللي فيه
الحين رسوم حق جهال كله حب وعلاقات بين ولد وبنت ويقولها احبك ومدري شنو ؟؟؟
شيفيد الجهال بهالكلام ؟؟؟؟
صارت البرامج المفيدة للأطفال نادره هالايام مو نفس قبل افتح يا سمسم و أبو الحروف وغيره اللي تعلمنا منها شغلات كثيرة وحنا صغار
لا والمصيبة بعد ان الحين في رسوم ينعرض الشخصية اللي فيه من عبدة الشيطان ( emo )
على mbc 3 اسمه كريبي
هو تجسيد لشخصية الايمو ( بنت تترك العيش مع الناس وتفضل تعيش مع حشرات وخرابيط )
وللأسف الجهال يشوفونهم ويتأثرون فيهم ويقلدونهم والاهل مو دارين شالطبخه
لان مافي توعية بهالموضوع
وحتى اللغة العربية بالمسلسلات الكرتونية فااااااااااشلة وصارت عااامية وهذا غلط كبير
---------------------
والحين الطامه الكبرى
مسلسلاتنا اااااااااااخ يا مسلسلااتنا
وخااااااصة بشهر رمضان المبارك << حيل باركوه لنا بمسلسلاتهم التافهة
تعالوا نشوف شنو يصير بمسلسللاتنا
1- البويات
كلنا شفنا مسلسل فجر السعيد اللي طلعت فيه شجون بوية وأثرت على كثييييييييييييييييييييييييييييييييييييييييير من البنات وهي السبب الرئيسي لنشر هالفئة ( القذرة ) بين الناس
لدرجة ان الاهل صاروا يدرون ان بناتهم بويات والخوات يدرون ان اختهم بويه بس يسكتون على شان ما يزعلونها ويوقولن انها حرية شخصية ولا مرض ولا عيب خلقي والعياذ باللله
كأن الله عز وجل ما عرف يخلقهم او اخطأ بخلقهم استغفر الله
المشكلة ان كثير من الناس غافلة عن المشاكل والمحرمات اللي تطيح فيها البوية وانا بتكلم بكل صراحة ومستعد للمواجهة
المشكلات اللي تسببها البوية
1- جنس المحارم ( بين الاخوات وهذي منتشرة بالديرة ولاحد يقول ماكو ) لان عندي دليل قاااااطع
2- جنس المثل ( اللواط ) وطبعاً واضح ومكشوف بالعلن وخاصة بالاماكن الترفيهية بالديرة
3- الخروج عن الدين الاسلامي
انا مره كلمت بنت كان عمرها 14 بوية استغربت قلت لها ليش صرتي بوية؟
اقسم بالله ردت علي وقالت
( قبل محد يعرفني لما صرت بوية صرت مشهورة والكل يعرفني )
للأسف هذا كله من المسلسلات اللي تنعرض بالتلفزيون ويقولون انهم يعرضونها على شان يحلونها
انت الحين تبي تحل المشكلة
تجيني تطلع البوية بأحلى صورة طول 29 حلقة وبالاحلقة الاخيرة تطلعها انها مو زينه ؟؟؟؟
التأثير صار على حلقات كثير مستحيل حلقة وحده تمسحه او تغيره لا وغلب الحقات الاخيرة محد يشوفها لانها تكون وقت تسوق للعيد يعني حلقة ( خيطي بيطي ) مالت علي جذي حلول
خلصنا من البويات والحين مشكلة احترام الوالدين
في مسلسل من المسلسلات نسيت اسمه
يطلعون بنت عمرها 16 سنة تدخل ( الفيس بوك ) وتعرض صورها للناس
لما يكشفها اخوها بسبب صورها المنتشرة بتلفونات ربعه بالمدرسة يروح للبيت معصب
ويقول لأبوه ان ربعه عندهم صور اخته عريانه بسبب نشرها الصور ( بالفيس بوك)
طبعاً ينادون البنت وتفتح الفيس بوك وابوها يشوف الصور ويقول منو هذي ؟ هذي انتي ليش جذي << حرام منصدم الاخ
ترد بنته تقول ( يبا مو انا هذول ناس حطوا راسي على جسم مو جسمي ) << لا خلاص بيرئة البنت ياحرام
يرد ابوها بكل برود يقول خلاص حبيبتي امسحيهم ولاتشاركين بالموقع مره ثانية وروحي غرفتج ؟؟؟؟؟؟؟؟؟؟؟؟؟
وين الغيرة يا أب يا محترم ؟؟؟
ونعم التربية والإعلام
وبنفس المسلسل
ونفس البنت
امها تقولها روحي دراج ادرسي
ترد البنت بكل وقاحة وتقول لأمها
( يماااا شخباااااااري الام تغصب بنتاه )
؟؟؟؟؟؟؟؟؟؟؟؟؟؟؟
جذي بنات الديرة؟؟؟؟
جذي نطلع بناتنا على قناة فضائية يشوفونها الناس كلهم ؟؟؟
للأسف هالمشاكل عرضوها بالمسلسل وما عالجوها
وطبعاً كثير من البنات الحين متأثرين بهالشخصيات لانهم شافوها وما شافوا فيها سلبيات
طبعاً هالمسلسلات عرضت على قناة سكوب ومن تأليف فجر السعيد
واذكر ان دور الاب كان : علي جمعة و الام يمكن : الهام الفضالة و الولد : ولد فجر السعيد اسمه علي يمكن
--------------
انا ادري خبصت الدنيا عليكم وقلبتها
بس والله من القهر اللي اشوفه
شنو دورنا كشباب واعي ؟؟؟؟؟؟؟؟؟؟
شنو لازم نسوي ؟؟؟؟؟؟
لازم نلقى حل لان هالشي خطير جدا جدا
واسف على الإطالة
وانا ما كتبت كل شي عندي عن الاعلام لان ابيكم تشاركون وما تقولون انت كتبت وما خليت لنا مجال لشي نقوله
اخوكم
مجهول.!.
تعليقات
إرسال تعليق