كلمات ينطقونها ويكتبونه ( قلط ) قصدي. ( غلط )

السلام عليكم ورحمة الله وبركاته

اللهم بلغنا رمضان

كيف الحال جميعاً...؟

اليوم حاب اسولف معاكم بموضوع جديد منتشر بشكل كبير وما ادري ليش بعض الناس يعتبرونه موضوع عادي .. وانا بوجهة نظري أعتبره موضوع لازم نتكلم فيه

الموضوع : ( قلب بعض الحروف بالنطق مثل (ق-غ) (خ-غ) )

مثال :

كنت اتكلم مع واحد من الشباب ولاحظت بكلامه انه يقول ( قلط ) يعني غلط <<< بدال الـ غ بــ ق

فـ قلت له يا فلان اسمها (غلط) مو (قلط) بالغين مو بالقاف

فقال يا عمي نفس الشي ما تفرق

قلت له لا تفرق شلون ما تفرق وسألت عن اسم فلم قديم اسمه (Independence Day

) يعني ( يوم الاستقلال )

قلت له تذكر الفلم القديم اللي فيه فضائيين يدمرون امريكا والعالم وجذي قال ايه ( يوم الاستغلال )

شوفوا شلون بدل حرف القاف بحرف الغين ( استقلال - استغلال ) وقلب المعنى بشكل كبير

استغلال : استخدام شي لفعل شي أخر

استقلال : الحكم الذاتي بمعنى الحرية وعدم الخضوع لأوامر الغير

هني الولد اقتنع ان طريقته بالكلام قلط اقصد غلط هههههههههه

ومن الكلمات اللي سمعتها ولازم ننتبه لها

( الله يـ(ـخـ)ـفر لك ) الصحيح هو ( الله يـ(ـغـ)ـفر لك )

( تثكر أيام قبل ) الصحيح ( تذكر أيام قبل )

( اللهم بلقنا رمضام ) الصحيح ( بلغنا رمضان )

( قرور ( الصحيح ( غرور )

وغيرها الكثير والمشكلة انهم مو بس ينطقونها بهالطريقة لا ويكتبونها بعد

( ملاحظة : اعمارهم مو صغيره في ناس جامعيين للأسف يتكلمون بهالطريقة )

الحين ليش كتبت الموضوع وشنو اللي ابي اناقشه معاكم

نفرض واحد من هالناس اللي يتكلمون بهالطريقة يبي يكتب تعبير بإمتحان عن حرب او عن الحرية الشخصية ( راح يبدل كلمة استغلال بـ استقلال ) هذا غلط كبير

واحد يبي يكتب أية قرآنية فيها كلمة ( يغفر الله ) راح يكتبها ( يخفر الله ) ؟؟؟؟؟؟

وانا ابي منكم تعطوني رايكم بهالموضوع وانا ادري في كثير معانا بالمنتدى يكتبون جذي واتمنى من انهم ينتبهون للي يقولونه

اترك لكم المجال للنقاش لاننا لازم نحط حد للأخطاء اللي تصير بيننا سواء من صغير او كبير

ويعطيكم الله الف عافية وان شاء الله صيام مقبول وذنب مقغور ... اقصد مغفور << ؟؟

اخوكم

مجهول .!.