شهر رمضان شهر المسلسلات المبارك

السلام عليكم ورحمة الله وبركاته

قال تعالى- : ﴿ يَا أَيُّهَا الَّذِينَ آمَنُوا كُتِبَ عَلَيْكُمْ الصِّيَامُ كَمَا كُتِبَ عَلَى الَّذِينَ مِنْ قَبْلِكُمْ لَعَلَّكُمْ تَتَّقُونَ ﴾

أولاً اقولكم مبارك عليكم الشهر مقدماً وعساكم من عواده

حبيت اتكلم واناقش معاكم بموضوع شهر رمضان المبارك

الشهر اللي كلنا نستناه على شان ناخذ فيه الاجر بالصيام و العباده ونبعد عن المعاصي اللي صارت مثل ظلنا بالايام العادية

الشهر اللي اذا طاف نحاسب انفسنا ونقول ما أدينا الصيام بالشكل المطلوب ونطلب من الله يبلغنا رمضان اللي بعده على شان نعوض اللي طاف من رمضان اللي قبله

لكن .....

شنو رمضان هالايام ؟؟؟



مثل ما نعرف رمضان تكثر فيه المسلسلات وماشاء الله عندنا قنوات وخاصة بالكويت
مسلسلاتهم كله أغاني ورقص ولبس قصير و و و و....

يعني الواحد يقعد قدام التلفزيون يسمع اغنية المقدمة للمسلسل وبعدها يطالع الممثلات ( لبس + جسم مغري + مكياج ) وهذا كله يجرح الصيام

( يعني ما نقدر نستغني عن هالمسلسلات لبعد رمضان ؟؟؟ لان في مليون قناة راح تعيده على طول السنة )

( يعني مانقدر نغض البصر عن هالاشكال وهاللبس لمدة شهر بس ؟؟؟ )

( يعني ما نقدر نستغني عن الاغاني ونبدلها بقرآن على الاقل بهالشهر الفضيل ؟؟؟ )


هذا غير اللي نشوفه بالسيارة مشغل اغاني ومعلي عليهم ومأذني الناس وهم صيام
واللي يبي يقول الاغاني عادي... اقوله اذا عادي خلاص شغلها لما يأذن المسجد دامها عادي عندك

( يا اخي تبي تسمع اغاني وتجرح صيامك خلاص خلك بروحك لا تعلي على المسجل )

( انت ما همك رمضان لا تطلع وتأذي الناس )

وفي ناس للأسف حتى برمضان نلقاهم يتحرشون بالبنات ( والعكس صحيح )
( وهذولا ........... لاتعليق )


-----------------------------( فضائل شهر رمضان )------------------------

خلونا نعرف هالشهر الكريم اللي يعتبر كنز للمسلمين شنو فيه من فضائل من رب العالمين

. فيه أنزل الله القرآن
قال تعالى: {شَهْرُ رَمَضَانَ ?لَّذِى أُنزِلَ فِيهِ ?لْقُرْآنُ} [البقرة: 185].
----
. فيه تفتح أبواب الجنة، وتغلق أبواب النار، وتصفد الشياطين:
----
ـ أن الله اختصه بفريضة الصيام الذي هو من أفضل الأعمال المقربة إليه سبحانه وتعالى، وأجلها، فهو سبب لمغفرة الذنوب والآثام.
----
ـ فيه ليلة هي خير من ألف شهر، وهي ليلة القدر:
عن أبي هريرة رضي الله عنه، قال: لما حضر رمضان قال رسول الله صلى الله عليه وسلم: ((قد جاءكم رمضان، شهر مبارك، افترض الله عليكم صيامه، تفتح فيه أبواب الجنة، وتغـلق فيه أبواب الجحـيم، وتغل فيه الشياطين، فيه ليلة خير من ألف شهر، من حُرِم خيرها فقد حُرِم))
-----
ـ أن فيه استجابة الدعاء، والعتق من النار:
----
ـ أن العمرة فيه تعدل أجر حجة:
----

مو حرام هالشهر يروح من بين ايدينا على شان اشياء تافهه مثل ( المسلسلات - والاغاني - وغيرها من ملذات الدنيا ؟؟؟؟؟ )


انا بالنهاية اقول ..

ياجماعة هذا شهر فضيل وكريم وناس تدعي ربها انه يبلغهم هالشهر ويصومونه ويجمعون فيه حسنات ويتقربون لله عز وجل

خلونا نترك ملذات الدنيا على الاقل بهالشهر بس والله ما نخسر شي

يعني الشياطين بهالشهر تتربط و حنا نطلع شياطين من عندنا ونعيش رمضان كأنه شهر عادي ؟؟؟

أترك لكم المجال واحب اسمع رايكم


مبارك عليكم الشهر من جديد وعساكم من عواده

اخوكم
سالم العنزي